CEBU – Karong adlawa, Sabado, gikatakdang magpinirmahay si Cebu City Mayor Michael “Mike” Rama ug Megawide Construction Corp sa 15th City Council-approved supplemental memorandum of agreement (MOA) alang sa Carbon Public Market modernization.
Sa eksklusibong pakighinabi gikuhaan og habig sa Bombo Rayo Cebu si Winefredo Miro , bise presidente sa Carbohanong Alyansa, kabahin sa maong butang.
Ug gibutyag ni Miro nga nasayod ang mga nanginabuhian sa Carbon Public Market sa kalihokan sa tali sa kagamhanan sa dakbayan ug sa Megawide .
Apan giklaro niini nga wala sila mahibaw sa unod sa pirmahan nga supplemental memorandum of agreement (MOA).
Dugang pa ni Miro, nga magpinirmahay na ang duha ka habig apan wala man lang konsultaha ang mga apektado kung unsay bay mamahimong kausaban.
Bisan paman nga nakabasa kini sa maong MOA sa tinud-anay ang gusto lang nilang mausab mao nga ibalhin sa city government ang kontrol sa lugar nga hangtod karon wala pa mausab.
