CEBU – Gikatakdang mopagawas og executive order si Cebu City Mayor Michael Rama alang sa seryusong pagpatuman sa three-meter easement sa mga agianan sa tubig sa dakbayan.
Kini ang gibutyag ni Atty Gerry Carillo, head of the Cebu City Disaster Risk Reduction Management Council, nga nimando si Mayor Rama, nga sugdan dayon ang clearing operations aron mapatuman ang three-meter easement sa mga suba sa dakbayan, nga panguluhan ni Atty. Carillo.
Dugang pa, nga kini human sa kusog nga pagbunok sa ulan niadtong Huwebes, nga miresulta sa pagbaha ug pag-awas sa mga suba sa siyudad, lakip na ang Kinalumsan River diin duha ka tawo ang naanod ng duha ka mga biktima naluwas sa insidente.
Gibutyag niini, nga sa umaabut nga mga adlaw magsugod na ang DPWH ug CDRRMO, sa paglihok arun masalbar ang mga kasapaan, ingun man ang katawhan nga nagpuyo sa kasapaan, gumikan kay daghang mga kabalayan ang nangaguba ug gagmay nga pagdahili sa yuta na-report usab sa mga bukirang barangay sa dakbayan sukad niadtong Huwebes, ang labing bag-o niini mao ang pagdahili sa yuta sa El Garahe sa Barangay Busay sayo niadtong Sabado sa buntag.
