CEBU – Nasakmit sa mga opisyal sa customs sa Sugbu ang mga tambol sa smuggled chlorine granules nga gibana-banang mobalor sa P1.5 milyones.
Nitaho sa usa ka pamahayag ang Bureau of Customs sa Port of Cebu (BOC-Port of Cebu), nga ilang na-intercept ang shipment sa misdeclared sodium hypochlorite niadtong Biyernes, Agosto 5.
Matud pa sa BOC, nga nakadawat sila og impormasyon nga posibleng gipeke ang maong kargamento tungod kay wala kini calcium carbonate.
Sa pagsusi, nasuta sa mga opisyal sa Customs nga aduna kini sulod nga 21,577 ka kilo nga sodium hypochlorite granules, inay calcium carbonate, nga mobalor og P1,479,915.70.
Kasagarang gigamit ang sodium hypochlorite chlorine-based nga kemikal compound, isip mga kemikal sa panimalay sama sa bleach, ug alang sa disinfection ug sanitasyon, ilabi na sa tubig nga mainom ug mga swimming pool.
