CEBU – Gipahigayon karong adlawa ang pagbalik sa gipaabot nga Cebu Dancing Inmates.
Una nang miingon, si Cebu Governor Gwendolyn Garcia nga panahon na nga ibalik ang atraksyon sa CPDRC nga sikat dili lang sa Sugbo kon dili sa tibuok kalibotan.
Gibanabanang moabot ngadto sa 200 ka mga piniriso ang mosalmot sa maong aktibidad.
Sa eksklusibong pakighinabi sa Bombo Radyo Cebu kang Bencille Landiza, usa sa mga dancer, dako ang ilang kalipay nga gibalik ang nasangpit nga aktibidad nga katapusan nilang gihimo niadtong 2019.
Dako ang pasalamat nila ni Landiza sa mga opisyal sa Sugbo gumikan nahatagan na usab sila og kahigayonan nga makasayaw.
Matod niya, medyo naglisod sila sa gihimong pagbansay-bansay tungod dugay na silang wala mosayaw, apan wala sila mo-undang gumikan gusto nila nga malipay ang tibuok nasod ilabi na ang mga Sugbuanon ug ilang pamilya.
