CEBU – Giawhag ni Cebu Provincial Governor Gwendolyn Garcia ang mga sakop sa League of Cities of the Philippines (LCP) nga barugan ang usa sa ilahang gahum mao ang local autonomy ug dili angay mahadlok nga mopagawas sa ilahang baruganan sa mga crucial nga mga hisgutanan alang sa ilang mga konsituwente bisan paman og ilang ikabangga ang mga tag-as ug gahom o mga impluwensyadong mga opisyal.
Nahimo ang maong pamahayag sa gobernadora atol sa paghost sa Kapitolyo og welcome dinner alang sa mga sakop sa LCP nga pinangulohan ni Cebu City Mayor Mike Rama niadtong nakalabayng gabie.
Nagkanayon si Garcia nga iispi descendants ni Lapu-Lapu angayang magmaisugon ang mga local chief executives alang sa kaayuhan sa gialagarang katawhan bisan paman og moani kini og pagsaway o pressure sa nasudnong kagamhanan.
Dugang pa sa gobernadora nga bisan og dili sayon ang tahas sa pagbalansi sa kinabuhi og panginabuhi , pagprotehir sa katawhan og pagprotehir sa ekonomiya kinahanglang barugan sa mga LCE’s kung unsay tan-aw nilang mas makaayo sa kinabag-an.
