CEBU – Girumbo sa Philippine Drug Enforcement Agency (PDEA7) ang panimalay sa usa ka Konsehal sa Barangay Mainit, Syudad sa Naga nga nagmentenar ug drug den ug mopasuyop pasa mga menor de edad.
Matud pa ni Levi Ortiz, ang Director sa PDEA-7, nga ilahang gipahigayun ang pagdakop sa konsehal, gumikan kay aduna silay nakuha nga vedio kabahin ani, sa paghupot og pag-gamit sa ilegal nga drugas.
Matud pa ni Police Col. Junnel Cadlawn, hepe sa Naga City Police Station, nga joint operation kini nila sa PDEA-7, ug iyahang gikalipay kini, gumikan kay ang kumidad ang ni-sulti sa ilaha ug dako kaayu kinig katabang kanila, ug iyahang gi klaru nga patas ang balaud.
Samtang sa habig sa suspek, nga si Konsehal Reynante Chiong iyahang giangkon nga naggamitan og ilegal nga drugas apan mihimakak nga iyaha ang shabu nga nakuha sa iyang panimalay, ug gidugang nga ang katawhan nakahibalo na niini, apan aduna siyay pagduda nga gi-planuhan ang tanan.
Nasayran nga nakuha ang di momenus 12 ka gagmayng pakete sa gituohang shabu ug drug paraphernalias.
