CEBU CITY – Walay kalabotan sa ispiritwal nga aspeto sa Pasko ang pagsugod sa “ber” months.
Gibutyag ni Dr. Rene Josef Bullecer, International Human Life Advocate, nga lahi ang kalendaryo nga gisunod sa simbahan ug lahi usab ang kalendaryo sa mga negosyante.
Matud pa, ang pagsugod sa “ber” months kay sagad alang sa pisikal nga aspeto sa Pasko kung diin na-“brainwash” na sa mga negosyante ang katawhan sa pagpamalit ug bisan unsang butang alang sa paghandom sa usa ka balaan nga adlaw.
Gipasabot niini nga basi sa kalendaryo sa simbahan, magsugod ang Pasko sa Nobyembre 27 o ang Advent kung diin handumon sa upat ka Dominggo sa pagpangandam sa pasko sa pagkatawo.
Giawhag ni Bullecer ang publiko nga dungan nga mag-ampo alang sa mas ‘crucial’ nga mga sitwasyon sa musunod nga mga buwan sama na lang sa gikabalak-an nga economic crisis hinungdan nga dili angayan nga magpataka ug gasto ilabi na nga maabot ang panahon sa kalisod.
