CEBU – Umaabot na ang holiday season, hinungdan nga gipaabot usab ang kahuot sa trapiko ilabi na sa mga commercial area sa dakbayan sa Sugbo.
Ning sayo pa, gibutyag ni Paul Gotiong, ang CCTO executive director, nga nagsugod na ang Cebu City Transportation Office (CCTO) sa ilang pagpangandam sa pagpaabot sa traffic sa holiday.
Ilaha usab nga gipatuman karon ang massive clearing sa mga dagkong dalan sa dakbayan aron mawagtang ang tanang matang sa mga obstruction.
Sa miaging semana, gitutok ang clearing operation sa V. Rama Avenue ug sa mga sidewalk sa Barangay Pardo
Dugang pa, nga ang mga traffic enforcers, gitahasan usab sa pagpatuman sa mga lagda sa trapiko samtang ang ilang buhatan nangitag paagi sa pagpalambo sa sistema sa trapiko sa dakbayan.
Sugod sa Oktubre, ila nang gipaabot nga modagsa ang mga sakyanan sa kadalanan sa dakbayan Kini gilauman nga magpadayon ug dugang nga pagtukod sa Disyembre.
Matud pa ni Gotiong nga ang pagpadayon sa face-to-face sa miaging buwan gamay ra kaayo ang epekto sa traffic volume sa dakbayan.
