Magpatuman ang Cebu City Transportation Office (CCTO) og Code Orange Exit Traffic Flow karong adlawa, Hulyo 11, sugod alas 8:00 sa gabii hangtod alas 10 sa gabie, duol sa SM Seaside City Cebu ug SM Arena human sa gipaabot nga BINI Concert.
Kini ang gibutyag ni Cebu City Transportation Office Head, Raquel Arce, aron mapadali ang luwas ug episyente nga pagbiya sa mga motambong sa konsiyerto, usa ka temporaryo nga pamaagi sa pagdumala sa trapiko ang ipatuman aron mapadako ang kapasidad sa karsada, maminusan ang kahuot sa trapiko, ug mapadayon ang padayon nga paglihok sa mga sakyanan nga mogawas sa venue.
Gitambagan ang mga motorista nga moagi sa South Road Properties (SRPW) nga magdahom nga mas bug-at kaysa normal nga gidaghanon sa trapiko ug temporaryo nga mga lakang sa pagkontrol sa trapiko sa tibuok nga pagpatuman sa exit traffic plan.
Samtang, ipatuman usab ang temporaryong pagdili sa mga dagkong trak ni Cebu City Mayor Nestor Archival gikan sa alas 4 sa hapon hangtod alas 12 sa tungang gabii sa Sabado, Hulyo 11, aron mahupay ang trapiko atol sa konsiyerto.
Ang pagdili naglangkob sa mga six-wheeler truck ug mas dagkong mga sakyanan sa kargamento sa mga nag-unang dalan sa SRP, gawas sa mga emergency vehicles, government, utility service, ug mga sakyanan nga nagdala sa mga importanteng gamit.
Magbutang usab ang siyudad og dugang nga mga bus, lakip ang 30 ka CIBUS units, aron magdala sa mga tumatan-aw sa konsiyerto sa dili pa ug pagkahuman sa kalihokan.
