CEBU – Napanglantawan sa Commission on Human Rights (CHR) 7 nga “alarming” na ang pagpangataki sa mga anaa sa legal profession susama na lang sa mga manlalaban.
Kini ang pamahayag ni CHR 7 Regional Director Atty Arvin Udron, subay sa pag-ambush ni Atty. Karen Quiñanola-Gonzales kauban ang 19-anyos nga anak niini.
Subay niini, gipahibalo ni Atty Udron nga nagpahigayon sila ug parallel investigation sa maong insidente diin giingong abli sila makig-alayon sa kapulisan kalabot sa mga impormasyon nga ilaha usab nga makuha.
Nanghinaut lang kini sa mga ahensya nga mipahigayon ug imbestigasyon nga abli usab sila sa ilahang mga impormasyon.
Giawhag usab ni Udron ang publiko nga adunay nakit-an o kasayoran nga makig-alayon sa mga otoridad arun nga makatabang sa dagan sa gipahigayon nga imbestigasyon.
