Nanghawd ang duha ka examinee gikan sa Cebu human nalakip sa mga topnotcher sa October 2026 Fisheries Professional Licensure Examination (FPLE).
Si Janna Ejurango Taboada, tinun-an gikan sa Cebu Technological University-Moalboal nakakuha sa ika-unom nga pwesto, nga adunay rating nga 88.25%.
Samtang, si Niño Balmera Aro sa Cebu Technological University-Carmen nakakuha sa ika-walo nga pwesto nga adunay rating nga 87.75 porsyento.
Kini nga kalampusan midugang sa listahan sa mga topnotcher sa FPLE gikan sa Cebu. Diin niadtong October 2025 FPLE, si Jonalyn Maestrado Dalanon sa Cebu Technological University-Carmen maoy nanguna sa eksaminasyon nga adunay rating nga 91.25 porsyento.
Sumala sa Professional Regulation Commission (PRC), 1,816 gikan sa 2,631 ka examinee ang nakapasar sa licensure examination, nga naghatag og passing rate nga 69.02 porsyento.
Subay niini, ang mga bag-ong nakapasar nga examinee gilauman nga mopadayon sa proseso sa pagparehistro alang sa ilang mga professional license human sa pahibalo sa PRC bahin sa schedule.
