Mga negosyante pabor sa pagtangtang sa face mask apan kinahanglan nga pabiling magmatngon

CEBU – Naka-ani og managlahing reaksyon, ilabi na sa habig sa mga tigpatigayon o mga negosyante, ang nahimong rekomendasyon sa Inter-Agency Task Force for the Management of Emerging Infectious Diseases (IATF-EID) kalabot na sa paghimong opsyonal sa pagsul-ob sa face mask sa bukas nga lugar.

Sa eksklusibong pakighinabi kang Kenneth Co, ang presidente sa Cebu City Chamber of Commerce and Industry (CCCI), gibutyag niini nga pabor kini sa maong kausaban apan gitino ni C nga kinahanglang ipabilin sa katawhan ang pagka-responsable aron malikayan ang subling pagdagsang sa Covid-19.

Ilabi na kung mobisita sa mga paryente nga masakiton diin gikinahanglan gihapon ang pagsul-ob sa facemask aron dili mahimong carrier o dili makapanakod.