CEBU – Gikatakda nga susihon sa Cebu City Environmental and Natural Resources Office (CCENRO) ang mga site development sa Barangay Pulangbato ug Barangay Binaliw subay sa kabalaka sa mga residente sa naasoy nga mga lugar.
Gibutyag ni CCENRO Head Arlie Gesta, nga una pa sa ilahang ‘meeting’ kagahapon kay niadtong nakalabay nga adlaw nga Dominggo kay ilaha nang gisusi ang lugar ug nasuta nga walay protection measure ang mga quarry site hinungdan nga ilahang susihon pagbalik ang site development plan niini.
Matud pa, dugay na ang operasyon apan walay nakita nga construction sa naasoy nga mga lugar, inay pulos na lang quarrying ang nahitabo.
Gitino usab ni Gesta nga sa ilahang gipahigayon nga inspeksyon kay wala silay nakita nga direktang pagkaguba sa mga riprap, apan adunay mga sinyales susama na lang sa mga crack nga makita.
