CEBU – Nag-atubang ang nasod nga Liberia og kakuwang sa supply sa bugas tungod niini nisaka ang panic-buying ug kabalaka.
Pipila ka semana ang milabay nagsugod pagkahanaw gikan sa mga tindahan ug mga tyanggehan ang mga pagkaon sa nasod nga nag-aghat sa gatusan ka mga desperado nga tigbaligya sa bugas ug mga konsumidor sa kaulohan, ang Monrovia, nga magpalabay sa mga adlaw ug gabii sa pila aron makuha ang gamay nga kantidad sa mga palaliton gikan sa bodega sa usa ka langyaw nga kompanya nga sa gihapon adunay gamay nga kargamento.
Ang uban kanila nipadayon sa pagginansya ug gibaligya pag-usab ang mga palaliton sa taas nga presyo.
Gi-deploy ang mga pulis aron matabangan ang seguridad sa kompanya samtang misuway ang mga panon sa nabalaka nga mga tawo sa pagpugos sa pagsulod sa lugar niini.
Samtang nagpadayon ang krisis, nagkanayon ang mga dagkong pumapalit nga gipugos sila sa kompanya sa pagpalit usab sa mga butang nga wala’y kalabotan ug wala nila kinahanglana.
Dili motuo si President George Weah nga adunay kakulwang sa bugas gumikan matod pa ang mga importer nagsulti kaniya nga adunay bugas nga molungtad hangtod sa sunod tuig.
Apan susihon niini ang sitwasyon sa maong butang.
