CEBU – Sa unang walo ka buwan sa 2022, ang Cebu South Bus Terminal (CSBT) nikita og P54.4 milyones.
Sa talaan sa Provincial Treasurer’s Office nagpakita nga ang CSBT target nga makakolekta og P80.4 milyones karong tuiga, kini nagpasabot nga ang ilang koleksiyon, kutob sa Agosto, niabot na sa gibana-bana nga 68 porsyento.
Ang Transportation System Fees, nga nagtumong sa toll fees ug abang gikan sa mga tenant, padayon nga maoy pinakadakong tinubdan sa kita sa pinakadakong public bus terminal sa Sugbo, nga mokabat sa P42 milyones.
Samtang ang target nga kita karong tuiga sa CSBT kay P16.1 milyones, mas taas kon itandi sa P64.3 milyones nga ilang nakolekta niadtong 2021.
Nagpabilin usab ang terminal nga usa sa labing dako nga kontribusyon sa tibuok tinuig nga kita sa probinsiya.
