CEBU – Gihimo si Police Colonel Ireneo Dalogdog nga bag-ong direktor sa Cebu City Police Office (CCPO).
Kini subay sa memorandum gikan sa Camp Crame, nga si Dalogdog maoy mohupot sa pamunoan sa kapulisan sa dakbayan sugod gahapon Sabado, Oktubre 1.
Nasayran nga si Dalogdog, ang outgoing chief sa Criminal Investigation and Detection Group in Central Visayas (CIDG-7), maoy mohulip kang Police Colonel Ernesto Tagle, kinsa maoy nanguna sa CCPO niadtong Enero 2022.
Sa iyang bag-ong assignment, ang pamunoan ni Dalogdog sa CIDG-7 sukad niadtong Mayo 2021 gi-terminate na usab.
Usa ka turnoever of command ang gitakda ugmang adlawa Lunes, Oktubre 3.
Apan si Dalogdog nihimo na sa iyang courtesy visit kang Police Brigadier General Roque Eduardo Vega, director sa Police Regional Office (PRO-7), niadtong Sabado sa buntag, una pa sa iyang opisyal nga pag-asumir isip bag-ong CCPO director.
