CEBU – Gimando ni Cebu Provincial Governor Gwendolyn Garcia nga temporaryong e-ban sulod sa 60 ka adlaw ang ipasulod sa probinsiya sa Sugbo nga mga live hogs, boar semen, pork ug pork related products lakip na ang mga livestock transport vehicles gikan sa Iloilo ug Panay Island gumikan nakatala ang ilahang provincial veterinarian og suspected African Swine Fever o ASF case.
Matod pa sa gobernadora nga mas maayong managana daan ang probinsiya sa Sugbo sa pagproteher sa 10 billion hog rasing industry bisan paman og pending pa ang confirmation sa presenya sa ASF sa maong mga probinsiya.
Subay niini, daling nipagawas og executive order #42 ang gobernadora diin epektibo kini alas 12:01 karong adlawg Biyernes, Oktubre 14.
Sa mao niyang EO No.42 girevoked ug gkanselar niini ang livetock transport sa Iloilo ug Panay Island ug dili kini mo resume hangtod dili ipahibawo sa kagamhanan sa probinsiya sa Sugbo.
Sa nasyran nga usa sa gipasigarbo sa Kapitolyo nga hangtod karong pabiling ASf-Free ang probinsiya tungod sa mga hugot nga lagda nga gipatuman sa Cebu Provincial Government.
