CEBU – Gipaniguro karon sa tagdumala sa Mactan Cebu International Airport (MCIA) nga ma-recover ang Korean Air plane nga nag-overshot sa runway sa nahisgutang tugpahanan sa dili pa sila mobalik sa ilang operasyon.
Sa press conference, si Atty. Jinky Zaragosa-Ang, Attorney III sa Civil Aviation Authority of the Philippines (CAAP), nipahibawo nga kinahanglan una nga madala sa runway ang nasangpit nga eroplano apan dili sayon hinungdan nga ang tanan gikansela ang mga plano operasyon sa airport para sa kaluwasan sa tanan.
Matod niya, sa pagkakaron ang gagmay nga mga ayroplano lamang ang makatugpa ug makalupad sa nahisgutang tugpahanan samtang ilang gitubag ang sitwasyon.
Matod ni Atty. Dugang sa operasyon sa airport, gikinahanglan nga masabtan sa tanan ang kaluwasan sa mga pasahero ug sa mga naa sa airport.
Ang mga kanselado nga flights mao kadtong paingon sa Manila, Caticlan, Bacolod, Pagadian, Clark, Puerto Princesa, Tacloban, Dipolog, Davao, Surigao, Legazpi, Ozamiz, Butuan, Cagayan De Oro, ug General Santos.
Sa pagkakaron, temporaryong nag-estar sa hotel ang mga apektadong pasahero ug ang uban bag-o lang nakauli sa ilang mga panimalay o sa ilang mga suod nga paryente.
Samtang nabalaka ang mga pasahero nga na stranded, kini gumikan kay ang kwarta nga ilahang dala muna-muna ra og kung madugay pa sila sa naasoyng Lugar, dili na sila maka sustain niini.
Dugang pa ni Candidi Villarrel, nga nanghinaot sila nga makakuha og update sa labing daling panahon.
