CEBU – Nasakmit ang kahon sa smuggled nga sigarilyo nga nagkantidad og P350,000 atol sa inspeksyon sa Port of San Francisco sa Isla sa Camotes, Cebu niadtong Lunes, Nobyembre 14, 2022.
Ang Philippine Coast Guard sa Central Visayas (PCG-7) niingon nga ilang na-intercept ang usa ka wing van sa Port of San Francisco nga nagdala og mga kahon sa imported nga sigarilyo.
Dugang pa sa PCG-7 nga nakadawat sila og impormasyon nga dunay kadudahang kargamento paingon sa San Francisco ug sa pagsusi, nasayran sa mga personahe nga ang mga imported nga sigarilyo kay misdeclared nga ‘other products’.
Gibutyag ni Senior Chief Petty Officer Romulo Bacalso, Station Commander sang Coast Guard Station Camotes, ang maong mga butang gideklarar nga ‘other products’ para dili ma-detect nga gisulod sa tagsa ka kahon.
