CEBU – Landig sa tambalanan ang usa ka misis human gikulata ug gibunal-bunalan og kahoy nga binugha sa ‘Afam’ ga bana.
Gitanggong na sa Badian Police Station ang bana nga si Drew, 50 anyos samtang ang asawang si Dian (dili tinuod ang pangalan) nawad-an sa panimuot tungod sa gihimo sa bana.
Matod ni Police Major James Conaco, hepe sa Badian Police Station, naabtan sa akto sa kapulisan ang suspek nga nagsige og kulata sa asawa ug gabunal-bunalan og kahoy nga binugha apan nisukol pa kini sa otoridad human gibuyag.
Gidala sa Badian District Hospital ang biktima tungod sa pagkaangol niini samtang nagtingkagol na sa bilangguan si Drew samtang pasakaan kini og kasong serious physical injuries in relation to RA.9262 kun Violence Against Women and Children (VAWC).
