Abogado gisikop sa NBI-7, human sa giingung pagpangilkil gikan sa usa ka kliyente

CEBU – Usa ka abogado nga nadestino sa Office of the Register of Deeds sa dakbayan sa Mandaue nipaubos sa inquest proceedings sa Office of the Ombudsman for the Visayas karong Lunes, Nob. 28, human kini madakpi niadtong Biyernes, Nob. 25, tungod sa giingong pagpangilkil gikan sa usa ka kliyente.

Giila ni Atty. Rennan Oliva, director sa National Bureau of Investigation sa Central Visayas, ang akusado nga si si Atty. Reynaldo Mayol.

Sa report sa NBI-7, ang pagkasikop ni Mayol naggumikan sa mga pasangil nga mangayo siyag kuwarta una pa siya makigtransaksiyon sa kliyente.

Kung diin si Mayol nasakpan nga nagdawatan og P150,000 nga cash atol sa entrapment operation niadtong Biyernes.