CENTRAL VISAYAS-Mikabat sa kapin P191,063,083.41 ang kantidad sa iligal nga drogas ang gisunog sa Philippine Drug Enforcement Agency (PDEA-7) niadtong adlaw nga Sabado, Pebrero 19, 2023 atol na sa ilahang ‘destruction of illegal drugs’.
Gibutyag ni PDEA 7 spokesperson Leia Alcantara, nga gipahigayon ang maong pagsunog sa mga iligal nga drogas sa Cosmopolitan Funeral Homes sa dalan Junquera, Barangay Kamagayan, dakbayan sa Sugbo.
Gipahibalo niini nga mikabat sa kapin 28 ka kilo nga shabu ug 153 gramos nga marijuana ang ilahang nasunog pinaagi sa incineration.
Sigon pa, ang maong mga iligal nga drogas kay ang mga nasakmit niadtong nakalabay nga mga katuigan.
Gitino ni Alcantara nga mao pa kadto ang pinaka-una nga destruction of illegal drugs karung tuiga apan dili ang katapusan gumikan kay aduna pa’y umaabot nga pagsunog sa mga iligal nga drogas sa musunod nga mga buwan.
