Nagtingkagol karun ang driver sa wing van sa Danao Police Station samtang gihikay na ang kaso nga ipasaka batok kaniya.
Kini human sa disgrasya nga nahitabo sa Barangay Dunggoan, dakbayan sa Danao, kagahapong adlawa, Pebrero 21, 2023, kansang gikamatay sa tulo ka mga indibidwal.
Giila ang driver nga si Nolin Batobalonos, lumad nga taga Sta. Fe, isla sa Bantayan.
Gisaysay ni Police Master Sergeant Ronald Gomez sa Danao Police Station, nga basi sa ilahang imbestigasyon, giingong kusog ang dagan sa awto nga gisakyan sa mga biktima hinungdan nga nabangga kini sa driver’s side sa truck ug dayun nalagpot sa usa ka punoan sa mangga.
Matud pa hinay nga nagpadagan ang maong truck kay giingong gikan nani-udto ang naasoy nga driver kauban ang iyahang truck boy nga Roldan Guerra.
Ang mga biktima kay paingon unta sa Barangay Pardo, dakbayan sa Sugbo arun nga mubisita sa ilahang sa dihang nahitabo ang aksidente.
Nasayran nga wala pa ang trahedya kay nag-stop over una ang pamilya sa lungsod sa Carmen arun nga mo bisita ug usa ka sikat nga zoo.
Gidugang usab niini nga mupaingon unta ang maong pamilya sa Daanbantayan alang sa usa ka land negotiation apan na-postponed kini hinungdan nga midesisyon nga mangadto na lang sa Barangay Pardo.
Samtang, ang nagbinugtong nga survivor sa maong insidente kay anaa pa nagpaalim sa tambalanan.
