Police Office Regional Office 7, mimando sa mga government ug elected officials nga magpahigayon ug threat assessment

Mimando ang Police Office Regional Office 7 sa mga government ug elected officials nga magpahigayon ug threat assessment human sa sunod-sunod nga pagpamusil nga naglambigit sa gobernador ug mayor sa ubang mga lugar sa nasud.

Gibutyag ni Police Lieutenant Gerard Ace Pelare, ang tigpamaba ni Police Brigadier General Jerry Bearis nga gikinahanglan nga sundon ang mando sa ilahang kadagkuan.

Matud pa, gikinahanglan nga ipaubos sa threat assessment ang maong mga opisyal arun nga masuta kung aduna ba’y hulga sa ilahang mga kinabuhi.

Hinuon, sa pagkakarun kay gitino ni Pelare nga wala pa’y ni bisan kinsa nga opisyal sa gobyerno sa Central Visayas nga miduol kanila arun nga magpatabang gumikan sa hulga sa ilahang kinabuhi.