CENTRAL VISAYAS-Gituohan sa Joint Task Force Negros nga usa ka kanhi sundalo ang mastermind sa pagpatay kang Negros Oriental Governor Roel Degamo.
Gibutyag ni Joint Task Force Negros spokesperson Major Cenon Pancito III, nga basi sa description, training, giingong aduna sila’y rason sa pagtuo nga ang mastermind sa pagpatay sa gobernador kay usa ka kanhi miyembro sa Philippine Army.
Nagkanayon si Pancito nga aduna pa’y laing mga suspek ang nagpabilin nga at-large, apan giingong sila nagtuo nga dili lang ang kining napulo ang naglihok sa maong krimen, inay aduna kini sila’y support system.
Gihimug-atan niini nga sa pagkakarun, ang imbestigasyon nagpunting sa usa ka tawo nga dako ug gamhanan.
Samtang ang kinatibuk-ang mando nga gihatag kanila mao ang pagsulbad sa kaso sa labing dali nga panahon, ang ilahang timeline mao ang pagkab-ot sa mas lawom sa maong pagpatay sa usa o duha ka semana.
