CEBU CITY-Gipatawag sa buhatan ni Cebu City Mayor Michael Rama ang tanang mga veterinarians, backyard commercial hog raisers ug Cebu City Task Force alang sa usa ka multi-sectoral convergence meeting, arun nga pakigbatokan ang hulga sa African Swine Fever.
Sa maong panagtigom, na-umol ang Executive Order No. 5, series of 2023 o ang gitawag nga Oplan Baboy kung diin nagmando sa City Agriculture ug Department of Veterinary Medicine and Fisheries (DVMF) nga palig-unon ang kampanya batok sa ASF arun nga mas masabtan sa publiko ang epekto niini.
Hinuon, gipasabot ni Atty. Collin Rosell, ang executive secretary ni Mayor Rama, nga sagad sa mga tawo sa syudad kay nagkunsomo ug baboy.
Gidugang niini nga basi sa maong EO, mahimo ra nga makasulod sa syudad ang mga buhing baboy kung gikan sa mga rehistrado nga commercial farm ug gikinahanglan nga makapakita ug tukma nga mga dokumento.
Lakip usab nga makasulod sa syudad kay ang chicharon, lechon, ham, longganisa, hotdogs ug canned meat, apan mo agi pa kini sa hugot nga inspeksyon.
Nagkanayon si Atty. Rosell nga gikinahanglan mahisgotan ang epektibong pamaagi nga masolusyonan ang epekto sa ASF sa ekonomiya sa syudad sa Sugbo.
