Mga mag-uuma sa Sugbu gipaubos karun sa profiling arun nga daling itunol ang ayuda kung ugaling mo grabi pa ang El Niño

CEBU CITY-Gibutyag ni Joey Baclayon, ang City Agriculture sa syudad sa Sugbo, nga gipaubos karun sa profiling ang mga mag-uuma arun nga daling itunol ang ayuda kung ugaling mo grabi pa ang El Niño.

Matud ni Baclayon nga gi-andam na sa kagamhanan kung unsa ang angayan nga itunol nga hinabang sa mga mag-uuma.

Gidugang pa sa maong opisyal nga naningkamot ang City Government nga mahatud ang mga tubig sa mountain barangay arun nga adunay magamit ang mga mag-uuma sa pag-atiman sa ilahang mga tanom.

Nasayran nga nakasinati na ang syudad sa Sugbo ug grabi nga ka-init hinungdan nga pipila ka mga tanom sa mga mountain barangay ang mi-aksyon na ug ka laya, butang nga gikabalak-an sa mga mag-uuma nga ma-alkansi ang ilahang panginabuhi-an.