“Bisikleta Iglesia”, gilusad sa kapulisan sa Sugbu alang sa Kasaulogan sa Semana Santa-2023

CEBU CITY-Gilusad sa kapulisan sa Sugbu ang “Bisikleta Iglesia” kinsa maoy mag patrolya alang sa Kasaulogan sa Semana Santa-2023.

Kini ang gipahibalo ni Police Colonel Ireneo Dalogdog, ang City Director sa Cebu City Police Office, kung diin kini nga programa gitumong alang sa ‘Police Vissibility’ sa mga nagkadaiyang simbahan sa Sugbu.

Dugang pa niini, nga kini nga programa dili lamang sa mga Simbahan mobisita, inay apil usab ang mga lugar nga sagad adunay daghang katawhan.

Nasayran nga ang maong kalihukan sa kapulisan sa Sugbu, pinangulohan ni PCOL NOEL FLORES, Deputy Director for Operations, kung diin mobisita sila sa mga simbahan taman sa Pasko sa Pagkabanhaw o Easter Sunday, Abril 9, 2023.