Walo ka mga Barangay sa Sugbu gipaubos sa deliberasyon sa Philippine Drug Enforcement Agency (PDEA 7)

CEBU CITY-Gipaubos sa deliberasyon sa Philippine Drug Enforcement Agency (PDEA 7) sa walo ka mga barangay sa dakbayan sa Sugbo arun sa pagdeklarar kanila nga drug-cleared.

Kini ang gitino ni Ernest Herra, ang Chairman sa City Anti Drug Abuse Council-Cebu, ug nagkanayun nga lakip niini ang Barangay Kamagayan nga usa sa mga tinubdan sa ilegal nga drugas sa dugay na nga panahon ug ang laing pito gilangkuban sa Budlaan, Punta Princesa, Binaliw, Agsungot, Tabunan, Adlaon ug Kalubihan.

Sa walo, tulo ang urban barangays samtang ang lima naa sa bukiran sa siyudad.

Gawas sa titulo nga drug-cleared barangay makadawat usab sila ug cash incentives nga nagkantidad ug 100K isip pahalipay gikan sa dakbayan sa Sugbo.