CEBU CITY-Mikabat dul-an P4-Bilyones ang danyos sa sunog nga niigo sa Grand Residences Cebu Tower 4 Brgy. Kasambagan, dakbayan sa Sugbo kagahapong adlawa Abril 14, 2023.
Nadawat sa Cebu City Fire Office ang maong taho alas 2.39 sa hapon ug gipasaka ang 1st alarm 2:4PM gumikan sa kadako sa maong sunog niabot sa pagdeklara ang kabomberohan sa Task Force Bravo alas 6:38 sa kagabhion kung asa ni responde na ang kabomberohan sa silingang mga dakbayan ug lungsod.
Nahimung dakong hagit sa sakop sa kabomberohan mao ang kataas sa building ug dili kaabot ang aerial ladder sa 37th floor kung asa gasugod ang kayo,lisud usab maka katkat ang tubig gumikan kay hinay na ang pressure niini gumikan sa kataas.
Sa pikas bahin, matod ni Senior Fire Officer 2 (SF02) Romeo Birao Jr sa Cebu City Fire Office (CCFO), nga gideklarar nga fire out alas 11:49 sa gabii o kapin kun kulang 9 ka oras sukad na-report ang sunog alas 2:41 sa hapon.
Apan, pasado alas 5 sa buntag karong adlawa, Abril 15, nakita ang aso nga migawas sa upat ka andana sa maong edipisyo.
Hinungdan nga nibalik ang mga kabomberohan sa fire scene pasado alas 5 sa kaadlawon, dul-an sa unom ka oras sukad gideklarar nga fire out ang sunog sa maong edipisyo.
Pasado alas 8 sa buntag karong adlawa, ang mga bombero niingon nga ilang napalong ang kalayo, ug gipadayon nila ang proseso sa pag-overhaul sa nahitaboan sa sunog.
