CARCAR CITY, CEBU-Patay ang usa ka babaye ug naangol ang tulo pa sa nahitabong disgrasya sa kadalanan sa dakbayan sa Carcar alas 9:45, Miyerkules sa gabii Hunyo 7, 2023 sa National Highway sa Barangay Bolinawan.
Giila ang biktima nga nakalas nga si Marites Mangyao, 24-anyos nga taga Bonsai, Barangay Bolinawan.
Samtang ang mga angol mao silang Argie Baclay, 28-anyos, Renan Lapiña, 32-anyos taga Dan-Dan, Barangay Poblacion 1 ug Lonel Lotillos, 34-anyos taga Siervas, Barangay Poblacion 1 sa dakbayan sa Carcar.
Sa imbestigasyon sa Carcar City police station, nga samtang nagdagan ang itom nga motorsiklo nga gimaneho ni Argie Baclay paingon sa Sibonga, ni overtake ang Isuzu Elf nga gimaneho ni Jeffrey Dumogho pag-abot sa Barangay Bolinawan.
Hinungdan nga nadumbolan ang laing motor nga gi maneho ni Renan Lapeña ug Baclay nga mi resulta sa pagka lagpot sa angkas niini nga si Mangyao.
Dali nga mi responde ang ambulansya sa City Disaster Risk Reduction and Management Office sa dakbayan sa Carcar ug gidala sa Cebu Provincial Hospital sa Carcar apan gi deklarar si Mangyao nga dead on arrival.
Kasong Reckless Imprudence Resulting in Homicide and Serious Multiple Physical Injury and Damaged to Property ang posibleng atubangon ni Dumogho.
