PROVINCE OF CEBU-Human usbon sa konseho sa munisipyo, ang kapistahan sa Santa Fe, Isla sa Bantayan aduna nay bag-o ug opisyal nga ngalan, ang “Panuhug Festival.”
Ang Sangguniang Bayan nagsagop sa ngalan nga “Puting Baybay Festival” aron ipasiugda ang bahandi ug katahom sa lungsod, ilabina ang puti nga balas nga mga baybayon niini.
Hinuon, naamgohan sa konseho nga parehas ka importante nga unahon ang panginabuhian sa mga mga residente, sama sa shell crafts o ang “panuhug.”
Dugang pa, ang lungsod abunda sa lain-laing mga kinhason nga mahimong gamiton nga dekorasyon o mga pagkaon alang sa mahinungdanong mga okasyon.
Ang mga opisyal sa lokal nga gobyerno gimanduan sa pagpahibalo sa publiko bahin sa bag-o kalamboan.
Gitambagan ang mga lumulupyo nga dili hisgotan ang kalihokan sa fiesta sa bisan unsang ngalan gawas sa “Panuhug Festival.”
