LAPU-LAPU CITY, CEBU-Nanawagan si Lapulapu City Mayor Junard “Ahong” Chan sa Oponganons ug kahiusahan atol sa ilang pagsaulog sa ika 125th Independence Day nga gipahigayon sa Liberty Shrine sa Barangay Mactan kagahapon.
Matud sa Mayor mapanalipdan lang ang na-angkon nga kaugalingnan sa nasud ug sa Oponganons kun magkahiusa ang tanan batuk niadtong moguba sa demokrasya .
Gipadayag sa Mayor nga walay hunong ang pagsaulog sa Adlaw sa Kaugalingnan sa Lapulapu matag tuig tungod kay ang nangagi’ng kasaysayan maoy magsilbing sumbaban sa mga kalihokan ug kalamboan karun ug sa umaabot.
Gipasabot niini nga ang kagawasan nga atong natagamtaman karon mao ang kahago sa atong mga bayani sama nila ni Datu Lapu-Lapu, Gat Jose Rizal, Gat Andres Bonifacio ug uban pa, nga nakig-away aron pagsiguro sa atong kagawasan ug kaalam.
Nitambong sa kalihokan sila si Kongresista Cindi Chan, Bise Mayor Celsi Sitoy, City Police Director , Coronel Elmer Lim ug ubang opisyal sa Kapulisan ug sa Siyudad.
Ang Tema karung tuiga sa pagsaulog sa Adlaw sa Kaugalingnan mao ang ” Kalayaan, Kinabukasan ug Kasaysayan.
