CARCAR CITY, CEBU-Nasikop sa kapulisan ang 34-anyos nga lalaki kinsang nanunggab atol sa kapiyestahan sa Sitio Lagang, Barangay Ocaña, dakbayan sa Carcar.
Giila ang suspek nga si Jimboy Canencia, ug residente sa naasoy nga dapit.
Gibutyag ni Police Lieutenant Colonel Gifter Sucalit, ang acting chief sa Carcar City Police Station, nga paingon mupa-uli ang biktima pasado ala una sa kaadlawon sa dihang gi-ataki ni Canencia gamit ang kutsilyo.
Na-igo sa tuo nga bahin sa lawas ug daling mi-ikyas human sa pag-ataki.
Human sa panghitabo kay dali nga mipahigayon ug follow-up operation ang kapulisan hinungdan sa pagkasikop sa suspek.
Gitanggong na karun sa Carcar City Police Station detention cell ang suspek samtang gihikay ang kasong frustrated murder batok niini.
