LAPU-LAPU CITY, CEBU- Gisaulog sa Kapulisan sa Siyudad sa Lapulapu ang Ika 28th Police Community Relations (PRC) gahapong adlawa.
Kung diin si Sanguniang Kabataan Federation President ug Ex-Oficio member sa Konseho sa Siyudad,Laika Tampuz maoy ilang pinasidunggang dinapit sa ilang mubo nga programa sa LCPO headquarters.
Gipadayag ni Tampuz nga aktibong mosalmot ang SK sa mga kalihokan nga alang sa pagpatunhay sa kalinaw ug kahusay sa Siyudad.
Gibutayag ni City Police Director , Coronel Elmer Lim nga gihan-ay na sa PCR-LCPO nga gipangulohan ni Lt. Col. Fortunato Ecle Jr. ang mga kalihokan sa PCR month sulod niining buwana sa Hulyo.
Lakip niini, ang Coastal Clean-up sa pipila ka mga barangay sa coastal areas ilabi na sa isla sa Olango, Tsip Tok , kun pakig-estorya sa mga nailang mga badlungon sa barangay , pakigtagbo sa civic organization arun ipasabot ang crime prevention program sa Kapulisan, ug pakigtagbo sa Muslim Community.
Mag-apud-apod usab ang Kapulisan sa Lapulapu og training materials alang sa livelihood program sa Anti-Drug Advocates ug mopahigayon og outreach program sa Barangay Babag.
Sa Hulyo 31 ang culminating activity sa pagsaulog sa PCR month nga ubos sa Tema nga “Serbisyong Nagkakaisa Para sa Ligtas at Maunlad na Pamayanan”.
