CENTRAL VISAYAS- Narescue ang usa ka mananagat sa Philippine Coast Guard Talisay human ni maagii didto sa kadagatan sa sidlakan sa Iloilo City.
Sa impormasyon nga gipahibawo sa Coast Guard Talisay adunay nanawag kanila nga nagpaila nga si Betonio Relen ang manager sa Moreta Shipping Lines sa Biyernes Hulyo 14, 2023 nga ang ilang barko naka rescue og mananagat human malunod ang iyang motorbanca.
Ila kining gipasakay sa ilang barko ug gidala sa dakbayan sa Talisay aron tabangan nga maka uli sa Iloilo.
Sa pamahayag sa maong mananagat nga samtang padung na siya mopauli nasugatan niya ang dagko kaayong bawod nga maoy naka ingun sa pagka tikyaod niini hangtod nga nalunod.
Naa pa karon sa kustodiya sa Coast Guard Talisay ang maong mananagat ug gitakdang ipahiling una sa tambalanan una ihatod sa Iloilo.
