Mandaue City Mayor, nipagawas sa iyahang reaksyon sa SONA ni PBBM

MANDAUE CITY, CEBU-Nipagawas sa iyahang reaksyon si Mandaue City Mayor Jonas Cortez sa SONA ni PBBM.

Matud pa sa Mayor nga ang State of the Nation Address ni Pangulong Marcos nakahatag og kadasig sa mga opisyales sa LGU.

Dugang pa, nga gawas sa pagpalig-on sa ekonomiya, isip Mayor iyahang gikalipay ang mga programa sa Presidente sa pagpalig-on sa kahimsog ug edukasyon tungod kay importante kini sa kadaghanan.

Nagtuo kini nga ang gisulti sa Presidente sa iyang State of the Nation Address napamatud-an na tungod kay ang iyang serbisyo natagamtaman naman sa kadaghanan.

Asoy sa opisyal, nga daku ang iyahang pagsalig ni Pangulong Marcos sa iyang sinsero nga serbisyo.