Dakbayan sa Sugbo maoy host sa Palarong Pambansa 2024

CENTRAL VISAYAS-Gipildi sa “Queen City of the South” ang Bacolod City-Negros Oriental ug Antique Province sa bidding nga mahimong host sa meet sunod tuig.

Opisyal kini nga gipahibalo ni Department of Education (DepE) Secretary ug Bise Presidente Sara Duterte atol sa closing ceremony sa Marikina City Sports Center niadtong Sabado, Agosto 5, 2023.

Kung diin si Cebu City Mayor Mike Rama nidawat sa katungod sa pag-host human sa pahibalo.

Atol sa acceptance speech ni Rama nagkanayon kini nga andam na ang Cebu City sa destinasyon alang sa turismo sa paugnat sa kusog, dili lang sa nasyonal apan internasyonal usab.

Subay niini, gikalipay kini ni Dr. Salustiano Jimenez, ang Regional Director sa Deped Central Visayas.