CENTRAL VISAYAS-Nanghatag og award ang Department of Labor and Employment- 7 (DOLE 7) nga mikabat og P173 million ngadto sa 2,904 ka affected nga mga trabahante mahitungod sa unang unom ka buwan sa tuig ubos sa Single Entry Approach (SEnA) nga programa.
Matud pa sa DOLE 7 ang kantidad naglangkob sa underpayment nga sweldo, maternity claims, ug non-payment sa thirteenth month pay, holiday pay, night shift differencial, service incentive leave, ug overtime pay ug uban pa.
Naglangkob sa 1,379 nga request for assistance ang gi-handle sa DOLE-7 alang sa first semester sa tuig diin adunay settlement rate nga 84.70% ug disposition rate nga 97.75%.
Giawhag sa DOLE 7 OIC Assistant Regional Director Emmanuel Ferrer ang mga trabahante ug mga employers nga pahimuslan ang SEnA program.
Kini magamit arun nga kung ugaling adunay dili pagkasinabtanay sa employer ug employee, masulbad kini sulod sa 30 kaadlaw nga conciliation ug mediation proceedings.
