-- ADVERTISEMENT --
CEBU PROVINCE-Gidaro sa usa ka pampasaherong bus ang duha ka tricycle nga nagparking daplin sa dalan sa Sandayong sa lungsod sa Sogod, amihanang Sugbo kagahapong adlawa, Agosto 8, 2023.
Base sa imbistigador sa Sogod Police Station nga si Police Corporal Warren Flores, nga paingon sa dakbayan sa Sugbo ang maong Ceres ug paspas ang dagan sa driver hinungdan nga wala na kini makontrolar sa kurbadahong bahin sa karsada.
Giila ang driver nga si Genelito Montalvo, 29-anyos ug taga Barangay Pansoy lungsod sa Sogod.
Sa pagkakaron, nagpaabot pa si Montalvo sa Sogod Police Station aron hisgutan ang mga tukmang bayad sa mga danyos nga gimugna niini.
Gawas sa tricycle nga nadaro ug usa ka haligi sa balay, wala na’y natala nga naangol nga tawu.
-- ADVERTISEMENT --
