CEBU CITY-Nakapaalarma sa mga opisyal sa Children’s Legal Bureau (CLB), usa ka non-profit nga organisasyon sa dakbayan sa Sugbo ang pagsaka sa gidaghanon sa mga kaso sa pagpanglugos sa Sugbo.
Kini ang gitino ni Atty. Noemi Truya-Abarientos, deputy executive director sa CLB, nga ang mga kaso sa pagpanglugos mahitabo bisan unsa pa ang edad.
Dugang pa, iyang gipahayag nga “alarming”alang sa CLB nga mahibal-an nga adunay sunud-sunod nga mga taho sa mga kaso sa pagpanglugos tungod kay sila ang nagdumala sa ingon nga matang sa pag-abuso batok sa mga bata.
Matod sa executive director sa CLB, kining nataho nga mga kaso usa lamang sa 10 porsyento, ug aduna pay siyam ka kaso nga wala ma-report.
Lakip sa mga hinungdan sa wala ma-report nga mga kaso mao ang incest o rape sulod sa pamilya.
Kini ang mga kaso nga naglambigit sa amahan ug anak, amaama ug anak, uyoan ug anak, ug igsuon ug biktima.
Dugang pa niini, nga ang pagpanglugos mahitabo kung walay pagtugot gikan sa laing partido.
Niini, iyang gidasig ang katawhan nga hunongon ang pagbasol sa biktima.
Matod niya nga usahay dili mahibaw-an sa mga tawo kung adunay biktima tungod kay lahi ang tubag sa mga biktima.
Siya midugang nga walay stereotypes nga mahimong biktima sa pagpanglugos.
Sa laing bahin, gidasig ni Abarientos ang mga biktima sa pagpanglugos ilabina ang mga menor de edad nga isulti sa usa ka hamtong ang nahitabo o kanus-a sila nakasinati niini.
Adunay mga higayon diin ang mga tawo mabasol sa biktima sa pagpanglugos tungod sa pagsul-ob og dili maki-anyun nga sinina.
