CEBU CITY-Misugod na sa pagdagsa sa mga taw sa South Bus Terminal kagahapong adlawa, Oktubre 27, 2023.
Kini gumikan sa mga nakalinyang dagko ug umaabot nga mga kalihukan nga mao ang Baranggay at Sangguniang Kabataan Elections (BSKE) 2023 karung Lunes, Oktubre 30 ug sa umaabot nga Unda ug Kalag-Kalag 2023 karung Nobyembre 1 ug 2.
Hinungdan nga anaa na sa full alert status ang mga sakop sa Cebu Provincial Police Office.
Mao kini ang gibutyag ni Cebu Provincial Gover Gwendolyn Garcis atol sa iyahang gipahigayong pag-inspeksyon sa Cebu South Bus Terminal kagahapong adlawa.
Matod sa Gobernadora nga anaa na sa full alert status ang mga sakop sa Philippine National Police (PNP) aron masiguro ang tibuok lalawigan sa Sugbo, tungod kay daghang mga tawo ang gipanglantawang mopauli sa ilahang mga tagsa-tagsa ka probinsya aron sa pagbotar sa umaabot piniliay ug pagbisita sa mga sementeryo alang sa paghandom sa ilahang mga minahal sa kinabuhi nga Mitaliwan na.
Kalabot niini, gipalanog ni Carmen Quijano, ang Operations Supervisor sa North ug South bus terminals ang mga nahimong lakang sa Gobernadora sa pagdasok sa mga taw sa usa sa pinakadako nga terminal sa tibuok syudad ug lalawigan sa Sugbo.
Matod niini nga adunay silay gibutang nga dugang air-conditioning units, ticketing booths, ug ingon man libreng tubig ug kasilyas aron sa komportable ug hapsay nga kasinatian sa mga pasahero.
Dugang nini nga gihingusgan usab sa mga nagkadaiyang ahensya sa gobyerno ang pagpatuman sa kahapsay sa Cebu South Bus Terminal.
Lakip na niini ang mga personahe sa Land Transportation Franchising and Regulatory Board Central Visayas, Station 5 ug Cebu Provincial Police Office, ug ingon man mga medical personell.
