CENTRAL VISAYAS-Gisugdan na ang filing sa certificate og candidacy (COC) niadtong Lunes, Nobiyembre 6, 2023 alang sa special election sa 3rd congressional district sa Negros Oriental.
Gitataw ni Atty. Lionel Marco Castillano, acting Regional Election Director sa Comelec 7 nga gilugwayan sa COMELEC ang mga indibidwal nga nagtinguha sa maong posisyon nga mahimong mosumiter sa ilahang COC gikan sa Nob. 6 hangtod Nob. 11 aron mahatagan og dugang panahon ang mga mokandidato.
Matud pa ni Castillano nga sa una nga adlaw sa pag-file walay mitungha nga bisan kinsa nga kandidato.
Apan sa ikaduha nga adlaw sa filing gahapong adlawa Nobyimbre 7 nasayran nga ang kina-unhan nga ni-file sa COC usa ka retired Navy Colonel Rey Lopez aron modagan pagka-representante sa mao nga lugar.
Dugang pa nga gipili sa Comelec ang manual elections tungod ang mga karaang vote counting machines lagmit nga mag-malfunction.
Kahinumduman nga ang maong espesyal nga eleksiyon ipahigayon aron mangita og hulip ni kanhi Rep. Arnolfo Teves Jr., kinsa gipalagpot sa House of Representatives ug giilang utok sa pagpatay kang kanhi Negros Oriental Governor Roel Degamo.
