-- ADVERTISEMENT --
CEBU CITY – Nasunog ang usa ka building nga gitukod sa Chong Hua Medical Arts sa dakbayan sa Sugbo alas 2:41 sa hapon, kagahapong adlawa, Nobyimbre 27, 2023.
Napalong ang maong sunog alas 3:01 sa hapon.
Sa inisyal nga imbestigasyon sa Cebu City Fire Office (CCFO) nga ang sunog nakaapekto sa 30 square meters nga luna nga adunay usa ka establisemento nga naapektuhan ug 10 ka apektadong indibidwal nga mga construction worker sa maong dapit.
Gibanabanang mokabat sa P2.4 milyones ang danyos sa apektadong establisemento.
Gibutyag ni Senior Fire Officer Wendell Villanueva gikan sa Chief Public Information Unit sa CCFO, nga wala pa matino ang hinungdan sa sunog sanglit padayon pa ang imbestigasyon.
-- ADVERTISEMENT --
