CEBU CITY-Nakaangkon ang Cebu City Niños og upat ka gold medals sa penultimate day sa ‘Batang Pinoy’ sa kauluhan kagahapon adlawa, Disyembre 21, 2023, sa nagkalain-laing sports.
Nangulo sa paghakot og bulawang medalya si archer Zhack Randolf Torreon sa usa ka semana nga multi-sporting meet kinsa milangkat og tulo ka bulawang medalya sa CU-21 men’s event.
Nakadaog sab og gold medal si International Master (IM) Rico Mascariñas sa chess.
Gitapos ni IM Mascariñas ang pito ka hugna nga Swiss system nga kompetisyon nga may 6.0 puntos og natabla sa silver medalist nga si IM Cris Ramayrat sa Pasig City.
Sa laing bahin, ang University of San Carlos (USC) bemedalled long-distance runner Artjoy Torregosa nakaangkon og laing duha ka medalya sa athletics event.
Si Torregosa, kinsa unang nakakuha sa iyang medalya niadtong Martes sa women’s 10,000m run, mitali og laing duha ka medalya: usa ka silver ug usa ka bronze.
Ning higayuna, nakuha usab ni Torregosa ang iyang silver sa 5,000m women’s run ug 3,000m steeplechase.
Laing Cebuano trackster nga si John Marvin Rafols, nakakuha og bronze sa men’s long jump open, samtang si Shine Mae Cardona mitapos sa 200m women’s open run nga may bronze medal.
Sa pagkakaron, ang Cebu City kasamtangang naa sa pwesto nga No. 5 sa unofficial medal tally sa ‘Batang Pinoy’ nga adunay unom ka gold medals, walo ka silvers, ug 13 bronze medals, nga naglakip sa listahan sa mga nahisgutang mananaog nga mga atleta.
