CENTRAL VISAYAS-Nagkahiusa ang Visayas Command ug Department of Information and Communications TechnologyRegion VII alang sa pagpahigayon sa 2 ka adlaw nga Cybersecurity Training.
Nasayran nga ang maong kalihokan gi-ubanan sa Office of the Assistant Chief of Unified Command Staff for Communications, Electronics, and Information Systems sa VISCOM ug sa Cybersecurity Division sa DICT Region VII, arun sa pagbansay-bansay diin nagtumong sa pagpalig-on sa mga IT personnel nga makahimo sa pagpahigayon sa proteksyon, detection, ug pagtubag sa bisan unsa nga cybersecurity-related nga mga insidente.
Ingon man nga gitinguha usab sa VISCOM ang pag-organisar sa usa ka Computer Emergency Response Team o kon CERT nga mao ang responsable sa pagpanalipod, pag-ila, ug pagtubag sa bisan unsang paglapas sa cybersecurity.
Ang maong kalihokan gipahigayon pinaagi sa online ug onsite diin gisalmotan sa 29 ka IT personnel gikan sa VISCOM, mga subordinate units, ug mga tenant units sulod sa Camp Lapulapu.
Subay niini, ang Cybersecurity Training usa ka capability-based training program nga gilangkuban sa upat ka hugna diin bag-o lang nahuman ang 2 ka adlaw nga training nga alang sa Phase 1 ug laing set usab nga gikatakdang ipahigayon alang sa nahabiling tulo ka hugna sa maong training program.
