CEBU CITY-Nakaangkon og mga samad pinusilan ang 20-anyos nga babaye human gipusil sa giingong karibal niini sa gugma niadtong Lunes, Pebrero 19, 2024, sa Barangay Poblacion Pardo, dakbayan sa Sugbo.
Giila ang gipusil nga si Crissandra Jane Fernandez, 20-anyos kinsnag nakaangkon og samad pinusilan sa iyang lawas ug tuong paa.
Samtang naigo usab ang 16-anyos nga lalaki sa tuo nga batiis human nga misuway sa pagluwas sa biktima ug sa dihang mibalik ang suspetsado arun pabuthan pagbalik si Fernandez.
Ingon man nga nailhan na ang suspetsado nga si Marvin Tura Cordova kinsang miikyas sakay sa motorsiklo nga gimaneho sa iyang kauban ug kasamtangang gigukod sa mga kapulisan.
Gani, kusganong gituohan ni Police Staff Sergeant Alfredo Macabodbod, ang imbestigador sa Inayawan Police Station, nga love triangle ang motibo sa nahitabong pagpamusil.
Gumikan base sa imbistigasyon nga ang suspek nasuko human nga nasayod nga adunay suod nga relasyon ang iyang uyab ug ang biktima.
Ingon man nga layo na sa peligro ang kahimtang sa duha ka mga nabiktma human nga gipaubos kini sa operasyon.
