AFGHANISTAN-Labing menos 150 ka mga tawo ang namatay samtang dili mominos sa 138 ang nakaangkon og samad human nga gibaha ang pipila ka bahin sa Afghanistan niadtong Biyernes, Mayo 10, 2024.
Diin ang maong pagbaha miigo sa duha ka probinsya sa amihanan ug amihanang-sidlakang bahin sa nasud, hinungdan sa grabe nga kadaot.
Matud pa ni Hedayatullah Hamdard, ang pangu sa Natural Disaster Department sa amihanang lalawigan sa Baghlan niingon nga ang mga baha sa mga distrito sa Burka, Nahreen, ug Central Baghlan nakapatay sa 50 ka mga tawo.
Ug gipadayag usab ni Mohammad Akram Akbari, ang head sa Natural Disaster Department sa amihanan-sidlakang lalawigan sa Badakhshan, nga ang mga baha miigo sa mga distrito sa Tashkan, Yawan, ug Tagab nga nakaingon sa nagpahinabog nga dakong kadaot sa financial sa katawhan sa probinsiya.
Ingon man nga nababagan usab niini ang communication route hinungdan nga lisod ang pagkaylap og impormasyon sa ilang kahimtang sa naapektuhan nga nasud.
