Dili bungkagon sa administrasyong Marcos ang National Task Force to End Local Communist Armed Conflict (NTF-ELCAC).
Kini ang gipahibalo ni National Security Council (NSC) Assistant Director General Jonathan Malaya sa usa ka pahayag taliwala sa bag-ong mga panawagan nga bungkagon ang anti-insurgency task force nunot sa desisyon sa ‘SC en banc’ nga ang red-tagging usa ka hulga sa kinabuhi sa usa ka indibidwal.
Ingon man nga gipadayag usab ni Malaya nga nalipay si Presidente Marcos sa performance o kalampusan sa task force ug gusto niini nga mohatag og dugang suporta alang sa NTF-ELCAC.
Gani, matod pa nga gitahasan niini ang task force aron ipatuman ang Amnesty program, dugang pinansyal nga suporta alang sa 846 ka barangay ubos sa Barangay Development Program sa NTF-ELCAC ug gitahasan ang Gabinete sa pagtuon sa 2024-2028 roadmap sa task force.
Giingon sa NSC nga gisupak niini ang tanan nga mga panawagan gikan sa mga leftist nga grupo alang sa pagbungkag sa task force ug gitawag kini nga walay basehanan.
Gihimug-atan ni Malaya nga ang NTF-ELCAC usa ka game changer sa pakigbatok sa New People’s Army ug sa ilang mga kaalyado ug prenteng organisasyon tungod kay gibungkag niini ang 9 ka huyang nga mga guerilla fronts nga adunay 1,000 ka nahibiling armadong miyembro nga nagkatag sa lagyong mga lugar.
