CEBU CITY-Giasoy ni Cebu City Acting Mayor Raymond Alvin Garcia nga palapdan ang police visibility sa tibuok dakbayan aron sa pagpalawig sa seguridad atol sa iyang pagbisita sa Camp Sotero Cabahug sa giingong command conference nga namulong sa liderato sa Cebu City Police Office.
Dugang pa sa Acting Mayor nga kinahanglan nga dugangan ang police visibility ug ang mga beat patrol ilabi na sa mga crime prone areas.
Subay usab kini sa umaabot nga Palarong Pambansa nga mahitabo sa dakbayan sa Hulyo ning kasamtangan tuig.
Gidawat usab ang hagit sa Acting Mayor ni Cebu City Police Office Directo PCOL Ireneo Dalogdog sa pagmugna og sistema aron makapokus sa pagpugong sa mga krimen.
Matod pa ni Dalogdog nga deterrent factor ang police visibility ug mamugna kini sa Sistema sa CCPO nga pagpakatag og mga beat patrollers.
Gani gipaambit niini nga nakunhuran ang crime rate sa dakbayan tungod sa intensified nga police visibility sa CCPO.
